臨時改變主意...聽日talent time都係唱狄易達果首Just Go
而家研究緊到時點様跳啲騎呢舞步...



要跳過世界跳過淺水深海　大路上跳過障礙　(They Move On)
要再見過去跳上高空中看未來　像自動跳過意外　(They Don』t Stop)
你阻我阻我不斷　鬧市裡有天線
等我於大腦鑽入了電　(I Can』t Stop)
跌低企高我不換　別要太過短線
衢過天台跟頂尖未撞損

＊Just Go　街上起舞　就霸佔公路
深宵一直跳到清早
Go Go　跨越警告　就碰上修路
即管跨欄意志多高
Just Go Go　一直做　Just Go Go　要前行沒後路　
獨立旗號是我的暗號
Just Go Go　不順路　Just Go Go　我橫行極大步　　
大行其道別去反駁上訴
　
倒轉看世界試試東倒西歪　越亂撞自信越大　(They Move On)

我有我氣派跌斷些想就繼續捱　大路上習慣極大　(They Don』t Stop)
你躲我躲我不斷　但兩腳永不軟
總有幾多的花款未發現　(I Can』t Stop)
跌低企高我不換　別要太過短線
衢過天台跟頂尖未撞損

REPEAT＊

長射的風景貼著我　沿路般高清不算多
橫越這天空每步全是我一個
還是說真的我像最初

Just Go　街上起舞　別要靠軌道
怎麼不能秒秒升高
Go Go　跨越警告　用痛快速度
幾多經歷快看不到
Just Go Go　一直做　Just Go Go　要前行沒後路　
獨立旗號是我的暗號
Just Go Go　不順路　Just Go Go　我橫行極大步
毫無難度下次等我預告

---

本來諗住今年唱Mr.果首搖擺...
但由於歌詞唔係好熟...
同埋首歌...好似唔係好多人聽過...

岩岩去完大球場睇亞協盃場波返屋企...

仲諗住可以同3萬7千名現場觀眾，見證南華歷史性打入決賽tim...
點知...
唉~咁辛苦先打入四強...偏偏俾條pk中東佬球證玩死!!!
入左波又判越位!!!犯規又唔判十二碼!!!
黑哨...都唔使咁明顯下話?!!!

呢球咁都算越位???
球證你真係一個fucking disgrace!!!

真係睇到我火都黎埋!!!...
我都好耐冇試過爆粗爆到咁激動!!!
今日俾個死人球證搞到我破戒!!!

原來諗住上星期六淨係去浸大Open Day，唔去中大
因為開頭以為兩間野距離好遠!!!
但果日朝早check返...
原來沙田同九龍塘，搭西鐵都只係爭幾個站
所以突然改變計劃...橫掂順路，所以一日去哂兩間

上晝首先去左中大...
10:00a.m.到...即刻去聽佢地個入學講座
唉...聽完真係成個人down晒...!
因為根據中大個計分方法，我呢駛玩...
痴線架!!!咁鬼睇重會考個分(50%)...
我呢d連20分都冇既考生，連一絲希望都冇...

呢一刻...我真係好後悔!!!!!!
點解中四中五果兩年唔努力讀書!!!...要hea足果兩年呢???
兩年內都未試過認認真真咁上過堂...
果時上堂除左聽書...真係乜都做過下
包括訓覺、聽mp3、睇雜誌、鋤dee、打nds...(太多...講唔晒)
平時又從來都唔會溫習、次次到考試先刨下本書

最後雖然勉強都可以升上中六，但真係好驚險...
我都知人唔會一世都咁好運
所以我下定決心改過，A-Level要有180度既轉變!!!
但可惜...唔係人人都會俾機會你改過自生!!!
我覺得中大咁既做法...
同果班歧視正生學生既梅窩居民，完全冇乜分別囉!!!

既然知道冇可能入到中大，咁此地不宜久留
睇左一陣就'咋咋臨'撇...趕去睇浸大

---

12:00到左九龍塘，喺又一城行左一陣...
唔知點解見到好多cosplay打扮既人...
買左盒壽司($79.9)同埋支楊枝甘露($20)做lunch

食個午餐用左成一百蚊...我食完都覺得自己過份奢侈

---

大約12:30p.m.到左浸大
主要係想睇下佢地個傳理系，係咪真係好似傳聞中咁勁?
不過睇完之後都係覺得唔係好o岩自己興趣...hehe

之後再行多一陣...
睇左statistics、visual arts、social science等等...
但都係冇一科o岩心水
最後原本想睇埋BBA...
但因為行到太攰、加埋要撘車先去到商學院(仲要有排等車!!!...)
所以都係走算喇...

---

結論:
行左半日、得著不大...當係旅行啦
因為真係冇一科令我有個衝動去揀...
唯有都總算見識過中大呢個咁大又咁靚既校園
而浸大既學生都幾出位下XDDDD

---

下星期六...再接再勵!!!城大Open Day!!!
可能係我最有機會入到既一間U!!!
一定要認真去睇!!!

尋日同啊招一齊去咗理工大學既Open Day
感覺上今次比起上星期科大既Open Day有用...
主要原因係Poly派果啲小冊子...
比科大派果啲更實用、資料更詳盡!!!讚!

真係唔去都知道，原來Poly完全係另一種玩法...
收生分數計分方法同其他大學唔同...係計晒3科AL既分，一科AS就係AL既0.6分
唉...對我呢啲只係讀2AL+1AS既人黎講，肯定比啲讀3AL既學生蝕底...
我以呢個準則計左我預計既分數...
(保守):
中化   -D(2x0.6=1.2分)
U.E.   -C(3x0.6=1.8分)
Econ  -C(3分)
P.A.   -C(3分)
M&S  -E(1x0.6=0.6分)
total:1.2+1.8+3+3+0.6=9.6分

(樂觀):
中化   -C(3x0.6=1.8分)
U.E.   -C(3x0.6=1.8分)
Econ  -B(4分)
P.A.   -C(3分)
M&S  -E(1x0.6=0.6分)
total:1.8+1.8+4+3+0.6=11.2分

原來都幾難攞高分...

---

首先去咗睇英文糸...原來收生分數都唔算太高(10.9分)
搞到我好有興趣
睇黎可以將呢科放入jupas喇

• 3399 專業英文

跟住聽左個關於Social Work既talk
但聽完之後覺得冇乜興趣囉...
因為讀完之後前途都好似唔太明朗...冇咩專業資格
加上收得又唔算低...所以唔會考慮

最後去咗睇BBA...
嘩...睇返個中位數，嚇左我一跳
好多科(特別係會計)都收得勁高分(>12分)
搞到我失哂預算...
商科而家淨返呢幾科可以考慮

• 3454 - 物流工程及管理        mean=9.7分
• 3533 - 全球供應鏈管理        mean=10.8分
• 3674 - 國際航運及物流管理 mean=10.6分

我而家發覺原來中學讀商科真係幾蝕!!!
好多課程都唔可以報讀!!!
反而理科生真係好鬼著數，乜都報得!!!...
真係有啲後悔form 4果時冇報理科揀左商科...
(不過我form 3果年phy,chem,bio次次考試都炒
 繼續讀理科可能會考果關都過唔到)

不過好彩都俾我完成一項任務
揾到一科所謂既水泡科...

• 3868 - 電子計算 mean=8.4分

但呢科前景好似真係幾暗淡...同埋唔係好岩我既興趣=__="

---

anyway...諗咁多都冇用
最緊要係考好個A Level...
咁到時就係你揀科、唔係科揀你

上星期六(19/9)，去咗今年第一間開辦Open Day既大學(HKUST)

果口我大約9:00a.m.就到達...
到咗之後，我梗係第一時間衝去商學院開既booth啦!!!
(因為我係讀純商既，所以淨係要睇關於商科既野
啲咩Science、Engine...真係全部唔岩我讀，完全唔使考慮去睇)
 
喺果度行咗一陣，問咗班讀緊BBA既學生幾條問題...
痴線的!!!BBA原來收生要求咁鬼死高...要起碼2A1B要入得
真係諗都唔使諗...- -"

---

到左10:00a.m.，唔知點解行到有d攰+暈...X__X
入咗個Hall聽一個關於Quantitative Finance(計量財務學)既seminar
我開頭完全唔知係咩嚟架...淨係知係商科既野...
加上行到攰攰地，咪入去聽吓當休息囉...
聽到一半......原來我又係諗都唔使諗既!!!
又係收得好高分...加埋要啲數學屈機人先讀得!!!
我呢啲...最憎maths架嘛

接住喺11:00a.m.，終於到我全日最期待既!!!---Accounting seminar開始
估唔到喺果度會撞返之前認識果兩位Poly U讀緊Accounting既學生
原來佢地係嚟做間碟...為左prepare佢地Poly U下星期既Open Day
哈哈!!!咁專業同勤力...下星期我一定黎捧你地場架!
講返個talk...聽完真係搞到我愈來愈想讀Accounting呢一科!!!

p.s.順便講下一樣野...呢啲講座都係由啲學生/舊生去講同介紹最好
起碼佢地會比較清楚我地AL考生既心態...講到啲我地有興趣聽既野!
反而果啲professor完全係hea住黎講...照住個powerpoint黎讀
仲要有咪都講得好細聲...好似自己同自己講野咁!

行到2:00p.m.左右，行到無野想睇所以諗住走...
最慘係我唔知點樣諗樣由科大返西環囉...救命!!!
所以去咗科大個圖書館，上網搵人求救啦
點知某人喺facebook，我係咁hi佢都唔應我囉!!!
好彩臨尾跟大隊...上咗大部份人都上果架巴士
搭左去某港鐵站...最後順利返到屋企

呢一日既最大意義...就係令我搵到我既目標!!!我既dream programme!!!

---

University Name：Hong Kong University of Science and Technology
Programme Code：5713
Title：BBA Professional Accounting 工商管理學士(專業會計學)

---

最重要係呢一科既入學要求比較合理少少...AL有1B1C都有得搏
雖然以我現時既實力...應該最多拎到1C1D，有2C都要劏雞還神
所以黎緊果幾個月一定要搏盡條命去係咁溫書!!!!!!!!!!!!
因為...姑勿論能否成功入去讀呢一科...
如果唔考好啲個A-Level，可以揀既選擇真係好少...甚至完全冇得揀(no offer...)



順便幫人宣傳下...
下星期六(26/9)---理工大學Open Day
大家有興趣既可以去睇下啦!!!

有咗呢件新戰衣!!! 

我宣佈正式加入"紅魔戰隊"

但我一樣功課都未做......
係咪好型啊我?!!!...

兩大頭痛理由!!!

一) 有佢講...冇人講...
我同我啊媽都一致認同，啊爺真係好「聞塞」
永遠都以為自己既理論係岩既
不過事實上佢所諗既野...同現今社會係嚴重脫節...=.="
成日幫我地揸主意...
例如我地間新屋裝修...佢又俾好多意見
仲幫我地買埋d又老土又唔等使既裝飾品...以為自己好有品味

二) 同佢冇計傾...
由於啊爺唔係香港人，唔識講+聽廣東話
佢淨係識普通話同上海話...
而呢兩種語言...我都係有限公司=.="
所以好難同佢溝通囉...

最慘呢...佢係果種好鍾意吹水既人
一得閒就鍾意揾人傾計...
但我同佢有一個好大的generation gap
加上語言不通，好似雞同鴨講咁...
真係冇乜野可以同佢傾...

同佢一齊，真係尷尷尬尬咁囉
唔理佢呢...又好似唔係咁好，怕佢嬲同埋唔開心...
但如果要夾硬揾d話題同佢傾，又真係好難(同埋好悶)

---

即係...點講好呢...
我覺得我咁諗佢...自己都幾衰下
話哂啊爺喺我童年果時都好照顧我...
我亦都明白佢做好多得都係因為錫我地，為我地好

咁我可以做既...
唯有係喺佢同我地相處既一段時間，盡量滿足佢要求...
即使佢講d野係比較唔合理，都無謂去駁佢嘴喇...
體諒下佢老人家啦
始終佢同我地相處既日子都已經漸漸進入倒數階斷
我都會盡量遷就下佢...
等佢可以喺人生既晚年，可以開開心心享受下天倫之樂

琴晚去咗觀搪果邊食飯，因為我堂阿哥個bb女擺滿月酒
雖然上晝要返工送外賣，下晝又要溫書
攰到扒喺度......真係唔係好想去=.="
但我作為人地既阿叔(搞到自己好似好老咁=.=")當然要俾面出席啦

哈哈...其實上面只係講下，真正既事實係咁既...
屋企俾左 $2000人情，冇理由咁蝕底唔去食餐飯架
尤其我係一個讀Econ既人，更加要將啲經濟理論實踐於現實生活中
作為一個constrained maximizer(局限極大化者)
既然果 $2000既cost已經付出不能改變
當然要食返夠本...令到opportunity cost(機會成本)減到最低啦

不過個bb女又真係好得意
肥嘟嘟...眼仔碌碌咁
見到她，自己都覺得很開心
最衰冇帶相機映相...

---

不過我唔係好鍾意出席呢啲家庭宴會
因為同啲親戚既商業式應酬令我感到很煩厭......

姨媽姑姐A:「喂~啊Tim，今年讀form幾啊?」
我:「form 6，出年升form 7...(其實呢條問題我已經答過N次=.=")」
姨媽姑姐B:「嘩~出年考大學喇喎!!!」
我:「係啊~係啊~」
姨媽姑姐C:「咁咪好緊張囉!」
我:「哈哈~你點知架?...」

頹爆對話!!!!!!    
↓↓↓當時既情況就好似<逃學威龍>中既呢一幕...=.="
 
 
其實我覺得佢地唔係真正關心我，只係想八卦吓...
就算俾我考到入大學，都唔會有人真心替我感到高興
只係想睇我幾時折墮......
相反...如果我考唔到
佢地一定心入邊喺度慶祝，同埋喺背後恥笑我
(定係我諗得佢地太衰呢?......)

---

未開飯果時......悶得濟...
去左商場入邊個機鋪打機，玩Winning Eleven
幾正...因為我唔係同電腦打
而係透過–個網上糸統，同其他玩家對打(大部份都係來自日本)
哈哈!!!我揀左用我隊愛隊國米，伊巴謙莫或+阿祖安奴真係屈機!!!
結果班日本仔通通俾我大炒...
我假假地都叫做「聖類斯中學Winning Eleven之神」，挑我機真係未死過

不過機鋪入面真係好多潮童...=.="
我盡量同佢地少啲眼神接觸...
你知架啦...睇戲都成日有...
一陣佢地話:「o靚仔!啤咩呀啤!!!」
跟住過嚟打我...咪死?=.="

btw...果度個商場真係好大
我好希望有朝一日...
西環都有個好似朗豪坊/APM/又一城/屯門市廣場咁大既商場
西寶城收皮啦!!!...又細又冇野行=.="

---

食完飯之後...
返屋企竟然又搭錯車=.="
原本諗住搭巴士去中環碼頭，跟住搭叮叮返西環
點知搭左架車係去中"港"碼頭(尖沙咀果邊)
搞到要嘥多七十幾蚊搭的士=.="